Qaladaǵy barlyq turǵyndar elektr jaryǵymen qamtylǵan bolsa, onyń ishinde sapaly elektr qýatyn qajet etetin shaǵyn aýdandar bar. Sapaly jaryqpen qamtý úshin osy jyly 9,4 mlrd.teńgege 14 nysannyń qurylysy júrgizilýde. Bul jóninde qalalyq ekonomıka jáne búdjettik josparlaý basqarmasynyń basshysy R.Múlkemanov brıfıń barysynda aıtty.

Spıkerdiń málimdeýinshe, jyl sońyna deıin 3 podstansıa paıdalanýǵa beriledi. Onyń biri jaqynda iske qosylǵan «Bozaryq» qosalqy elektr stansıasy. Qalǵan «Aqjar» men «1-M-1» qosalqy stansıalar jyl aıaǵynda tapsyrylady.

Sonymen birge 7 eldi mekendegi qurylys jumystary aıaqtalyp, 21,3 myńǵa jýyq halyq sapaly elektr qýatyna qosylady. İshki júıeler – Jalyn, Aqjar, Dostyq, Yntymaq-2, Aıkól, Igilik, Táýelsizdikke 20 jyl turǵyn alaptarynda júrgizilýde.

Nátıjesinde, sapaly elektrmen qamtý deńgeıi 95%-dan 97%-ǵa jetkizý josparlanýda.