Shymkent qalasyndaǵy JITS-tyń aldyn alý jáne oǵan qarsy kúres jónindegi ortalyq avtomattandyrylǵan «ExiStation TM» PTR jabdyǵymen tolyqty.

Jańa PTR-analızator AITV juqtyrǵan pasıentterdiń ımýnıtet jaǵdaıy men retrovırýsqa qarsy emniń tıimdiligin baqylaý úshin qoldanylady. Avtomattandyrylǵan apparattyń kómegimen az ǵana ýaqyttyń ishinde synama taldamalaryn alýǵa múmkindik bar. Naqtyraq aıtqanda, zertteý nátıjesin alý ýaqyty – 3 saǵat. Al óndiristik qýaty – bir aýysymda 40 testtik tekserý júrgizýge qaýqarly.

Apparat tolyǵymen avtomattandyrylǵan, sol sebepti de ınfeksıalyq qaýipsizdik jáne anyqtaýdyń joǵary dáldigi barynsha qamtamasyz etiledi. Iaǵnı, adamı faktor áserinen bolatyn qatelikterge jol berilmeıdi.

JITS ortalyǵyndaǵy zerthana bólimine qoıylǵan jańa apparattpen jumys isteý úshin medısına mamandaryna arnaıy oqytý jumystary júrgizildi.

Aıta keteıik, jańa apparat QR DSM «Qazaq dermatologıa jáne juqpaly aýrýlar ǵylymı ortalyǵy» memlekettik kásiporny, JITS, týberkýlez jáne bezgekpen kúres jónindegi Jahandyq Qordyń qarjylyq qoldaýymen alynǵan.