"Joǵary oqý ornynyń úzdik oqytýshysy – 2021" respýblıkalyq baıqaýynyń jeńimpazy 6 mıllıon teńge shamasynda syıaqy alady, dep habarlady bilim jáne ǵylym mınıstrligi. 

Baıqaýǵa qatysý úshin qujattardy qabyldaý 1 qarashadan 15 qarashaǵa deıin jalǵasady. Oǵan oqý oryndarynyń tek shtattaǵy oqytýshylary qatysa alady. Olardyń úzdiksiz ǵylymı-pedagogıkalyq ótili keminde 5 jyl bolyp, oqytýshylyq jáne ǵylymı qyzmette joǵary jetistikteri bolýy tıis.

– Konkýrs 2 kezeńnen turady. Aldymen joǵary oqý ornynyń ishinde, keıin respýblıkalyq deńgeıde ótedi. 1Joǵary oqý ornynyń úzdik oqytýshysy1 baıqaýyna qatysý úshin ótinimder men qujattar bilim jáne ǵylym mınıstrliginiń universitycontest.iac.kz aqparattyq júıesi arqyly elektrondyq formatta qabyldanady.

Joǵary oqý oryndarynyń qyzmetkerleri men profesorlyq-oqytýshylar quramynan turatyn sarapshylar toby kelip túsken barlyq qujatty tekseredi. Saraptaý tobynyń qorytyndysy negizinde joo komısıasy konkýrsqa qatysýshylardyń ekinshi respýblıkalyq kezeńge qatysýy týraly sheshim shyǵarady. Respýblıkalyq deńgeıde qurylǵan komısıa quramyna ÚEU, BAQ, stýdenttik jáne jastar uıymdarynyń, JOO qaýymdastyqtarynyń ókilderi men sarapshylar engizildi, – dedi bilim jáne ǵylym mınıstrligi joǵary jáne joǵary oqý ornynan keıingi bilim departamentiniń dırektory Ádilet Toıbaev.

"Joǵary oqý ornynyń úzdik oqytýshysy" baıqaýynyń jeńimpazdary aqshalaı yntalandyrýmen qatar tósbelgige de ıe bolady. Baıqaý aqparattyq júıe bazasynda ótedi, konkýrsqa qatysýshylar barlyq kezeńniń ashyq ótýin baqylaı alady.