Shymkentte «Uly Jibek joly tarıhyndaǵy Shymkenttiń IýNESKO-nyń mádenı mura júıesindegi orny men róli» atty halyqaralyq kezdesý ótýde.

El Táýelsizdiginiń 30 jyldyǵy qarsańynda uıymdastyrylǵan is-sharaǵa Qazaqstan Respýblıkasynyń IýNESKO jáne ISESKO isteri jónindegi Ulttyq komısıasy qatysty.

Uıymdastyrýshylar -. Qazaqstan Respýblıkasy Mádenıet jáne sport mınıstrliginiń, Qazaqstan, Qyrǵyzstan, Tájikstan jáne Ózbekstan boıynsha Almatydaǵy IýNESKO Klasterlik Búrosynyń qoldaýymen Shymkent qalasynyń ákimdigi.

Kezdesýde Ortalyq Azıa elderiniń belgili tarıhshylary men arheologtary, mádenıet jánesport mınıstrliginiń sarapshylary, M.Áýezov atyndaǵy OQÝ-dyń ǵalymdary qalamyzdyń Uly Jibek joly tarıhyndaǵy rólin, onyń Ortalyq Azıa kartasyndaǵy biregeıligin jáne Shymkenttiń tarıhı nysandaryn IýNESKO-nyń Dúnıejúzilik mura tizimine engizý múmkindigin talqylaýda.

Kezdesýge qatysýshylar birinshi kúni «Shymqala» tarıhı-mádenı keshenine baryp, mýzeılendirý, konservasıalaý jáne renovasıalaý jumystarymen, eski qalany damytý jobasymen tanysty. Sondaı-aq, «Shymqala» etnoaýylynda «Bes qarý» etnofestiniń ashylýyna qatysty.

Batyrlar  ınstıtýtyn qalyptastyrý men nasıhattaý maqsatynda uıymdastyrylyp otyrǵan etnofestıfal aıasynda «Ońtústik Qazaqstan sýretshi jastary» birlestiginiń ókilderi usynǵan sahnalyq kórinisti tamashalap,  «Bes qarý» ekspozısıasy men jyrshylardyń oryndaýyndaǵy batyrlar jyryn tyńdady.

Aıta keteıik, Ál-Farabı kitaphanasynda ótetin halyqaralyq kezdesýdiń resmı ashylýynda Shymkent qalasynyń ákimi Murat Áıtenov, Mádenıet jánesport vıse-mınıstri Nurǵısa Dáýeshov, Almatydaǵy IýNESKO Klasterlik búrosynyń dırektory Krısta Pıkkat, Qazaqstan Respýblıkasynyń Fransıadaǵy jáne Monako Knázdigindegi Tótenshe jáne Ókiletti Elshisi, Qazaqstan Respýblıkasynyń IýNESKO janyndaǵy Turaqty ókili Jan Ǵalıev, Qazaqstan Respýblıkasynyń IýNESKO jáne ISESKO isteri jónindegi Ulttyq komısıasynyń Bas hatshysy Álıa Baısabaeva, «Jibek joly» jobasynyń úılestirýshisi, IýNESKO Dúnıejúzilik mura ortalyǵynyń Azıa-Tynyq muhıty sektorynyń basshysy Feng Djıng quttyqtaý sóz sóıleıdi.

Keıinnen «Shymkent qalasynyń tarıhı retrospektıvasy jáne bolashaǵy», «Jibek jolynyń tarıhı mádenı keńistigindegi Shymkent» jáne«Shymkent qalasynyń arheologıasy, etnografıasy, mýzeıtanýy máseleleri» taqyryptarynda úsh plenarlyq sesıa ótedi.

Ekinshi kúni Ferǵana-Syrdarıa segmentindegi kópultty Jibek joly nomınasıasynyń sarapshylarynyń kezdesýi jáne Shymkent aýmaǵyndaǵy nysandardy IýNESKO-nyń Dúnıejúzilik muralar tizimine engizý boıynsha vebınar josparlanǵan, onyń qorytyndysy boıynsha saraptamalyq qorytyndylar men obektilerd ibedeldi tizimge engizý boıynsha usynystar jasalady dep kútilýde.