QR Prezıdenti Qasym-Jomart Toqaev Qazaqstan halqyna arnalǵan «Halyq birligi jáne júıeli reformalar – el órkendeýiniń berik negizi» joldaýynda densaýlyq saqtaý júıesiniń tıimdiligin arttyrýdy tapsyrǵan bolatyn.

Joldaýǵa sáıkes, qalalyq №2 aýrýhana bazasyndaǵy ınsýlt ortalyǵy halyqqa táýlik boıy medısınalyq qyzmet etýge kóshti. Sondaı-aq, kovıd ortalyǵy ashylyp, úsh aı boıy mamandar qaýipti indetke shaldyqqan naýqastarǵa emdeý jumystaryn júrgizdi.

Sonymen qatar, qalada 45 ekpe nysany jumys istep tur. Búginge deıin 1-shi komponentpen 542 931, 2 – shi komponentpen 503 983 adamǵa egildi. Bastapqy jospar (536 000) boıynsha vaksınasıalaý jumystary 100% oryndalǵan.

Sońǵy málimetterge súıensek, ótken táýlikte COVID-19 ınfeksıasyn juqtyrýdyń 25 jaǵdaıy tirkeldi. Qazir 15 naýqas ınfeksıalyq stasıonarǵa jatqyzylyp, 10 adam úı baqylaýyna alyndy.

Al jyl basynan beri koronavırýs juqtyrǵan 35 688 naýqas anyqtalǵan. Emdelip shyqqan naýqastardyń sany – 34 242.

Qazirgi tańda 650 naýqas (stasıonarda 290, úı jaǵdaıynda 360 naýqas ambýlatorlyq) em qabyldaýda.

Eske sala keteıik, bastapqy medısınalyq kómek boıynsha 36 emhanada 211 mobıldi brıgada jasaqtalyp, turaqty jumys isteýde.

Shymkent qalasynyń Aqparattyq-kommýnıkasıalyq ortalyǵy