Bıyl Shymkentte 277 kóshe, ıaǵnı 147,6 shaqyrym topyraq joldarǵa tas tóseý jumystary tolyǵymen oryndaldy. Qala aýmaǵyndaǵy ishki oram jáne shalǵaıdaǵy eldi mekenderdegi kóshelerge júrgizilgen zerdeleý nátıjesine sáıkes iske asty. Bul jóninde jolaýshylar kóligi jáne avtomobıl joldary basqarmasy málimdedi.

Zertteý jumystary barysynda taǵy 90 shaqyrym topyraq kóshelerge tas tóseý qajettiligi týyndady. Aýdan ákimshilikteri usynysymen belgilengen kósheler boıynsha qazirgi ýaqytta Qarataý, Eńbekshi aýdandarynda 53 shaqyrymyn «Bazıs K» JSHS, al Abaı, Ál-Farabı aýdandarynda 37 shaqyrym joldy «Aq Orda» JSHS merdigerligimen shaǵal tas tóseý jumystary júrgizilýde.

Qala boıynsha Jańatalap, Igilik, Nurshýaq, Agrofırma Qarasý, Dostyq-2, Qaınarbulaq, Nurtas, Asar-1, 2 eldi mekenderinde jumystar tolyq bitken. Qazirgi ýaqytta Tassaı, Badam, Juldyz, Ońtústik, Elaman, Aqtas jáne 276 oram aımaǵynda tas tóseý jumystary atqarylýda.