Shymkent qalasy Ál-Farabı aýdanynyń ákimi Rashıd Myńbaev «SHANYRAQ» ortalyǵyna baryp, jumysymen tanysty.

Ashylǵanyna nebári bir jyl bolǵan ortalyq qaladaǵy álsiz toptardyń áleýmettik kartasyn daıyndaýda eleýli ister atqaryp keledi.

Áleýmettik máseleler jóninde qalanyń tórt aýdanymen tyǵyz baılanys ornatqan ortalyqta jas analarmen birge ájeler jáne jalǵyzilikti ákelerdiń de mektebi jolǵa qoıylǵan.

Ortalyq meńgerýshisi Abıbýlla Qalymbettiń sózinshe, bul jerde atalǵan toptaǵy azamattar kúndelikti bas qosyp, ózin mazalap júrgen máselelerdi ortaǵa salady. Sebebi munda psıhologıalyq, áleýmettik jáne quqyqtyq keńes berý qyzmeti aqysyz júrgiziledi.

Tipti bul ortalyqta bala asyrap alý jóninde keńes alý men ózge kásip ıgerýge jáne jumyspen qamtý turǵysynan da járdem alýǵa múmkindik bar. Bir jyl ishinde 9 859 azamat psıhologıalyq, quqyqtyq, AÁK-ke qujat tapsyrý, úı kezegine turý boıynsha keńes alǵan.

Budan ózge, kópbalaly jáne naýqas bala kútimindegi 143 ana tigin, massaj, SMM kýrstary men kondıterlik sheberlik saǵatyna qatysyp, qazir óz kásibin dóńgeletip otyr.

– Ajyrasý – qoǵamnyń eń úlken máseleniń biri. Kúızeliske ushyraǵan ata-analar psıhologıalyq kómekke zárý. Al tolyq emes otbasyda ósken balanyń keleshekte qoǵamǵa sińisýi, adamdarmen til tabysýy qıynǵa soǵady. Jasqanshaq bolǵan balalardyń ózderi de turaqsyz ári depressıaǵa jaqyn keledi. Osy máseleniń aldyn alý úshin «SHANYRAQ» ortalyǵy ashylyp, ıgi ister atqarylýda. Aldaǵy ýaqatta da sizdermen etene jaqyn jumys isteıtin bolamyz, - dedi Rashıd Mamytuly.