QMDB Tóraǵasy Naýryzbaı qajy Taǵanulynyń bastamasymen Almaty qalasy, Qarasý shaǵyn aýdanyndaǵy «Myrzahmet» meshitiniń aldyna aıaldama ornatyldy.

Alataý aýdany «Beket ata» meshitiniń uıymdastyrýymen ótkizilgen ıgi sharaǵa QMDB naıb múftıi Kenjeáli qajy Myrzabaev, Almaty qalasynyń bas ımamy Tólebı Dádiluly men meshit qyzmetkerleri qatysty. Jergilikti turǵyndardyń ótinishi men tilekterin eskerip, ózekti bolǵan aıaldama qurylysyn Alataý aýdany ákimdigi men demeýshi meshit jamaǵaty salyp berdi. Turǵyndar men meshitke kelýshi jamaǵat halyq ıgiligine berilgen saýapty iske alǵysyn bildirdi.

Naıb múftı Kenjeáli Myrzabaev: "Bas múftı Naýryzbaı qajy Taǵanulynyń uıytqy bolýymen, aımaqtaǵy ımamdardyń yjdahatty jumysy, demeýshi azamattardyń kómegimen 2020 jyly Respýblıka boıynsha QMDB-nyń 30 jyldyǵyna arnalǵan «30 ıgi shara» jobasy aıasynda óńirlerde 73 qudyq, 43 kópir salynyp turǵyndardyń ıgiligi úshin paıdalanýǵa berildi. Al bıyl QR Táýelsizdiginiń 30 jyldyǵyna oraı aıaldama salý qolǵa alynǵan bolatyn. Almaty qalasy ókildigi qolǵa alǵan búgingi igi is sonyń kórinisi. Aldaǵy ýaqytta da saýapty amaldar jalǵasyn tabady dep senemiz", - dep oı túıdi.

Mundaı is-sharalardy qoldaýdaǵy basty maqsat – kásipkerler men qaltaly azamattarǵa meshit-medrese salýdan basqa da osyndaı saýaby mol ıgilikti isterge jumyldyrý bolyp tabylady.