Shymkent qalasynda bıyl áleýmettik portal iske qosylǵan bolatyn. Portal arqyly qashyqtan tehnıkalyq kómekshi jáne arnaýly júrip-turý quraldaryn qamtý boıynsha qyzmet kórsetedi.

Osy jyldyń 9 aılyq kórsetkishi boıynsha portalǵa 5 522 ótinim qabyldanyp, onyń 2 805-i arnaıy kómekshi quraldarmen qamtyldy (50,8%).

Sýrdotehnıkalyq, tıflotehnıkalyq jánegıgıenalyq quraldarǵa 13 496 qabyldansa, 11 732 ótinim maquldanǵan (86,9%).

Múgedekterge arnalǵan qol arbaǵa 1 158 suranym kelip, 1 021-i qamtyldy (88,2%). Al, jeke kómekshi, ymdaý tilimamandary 2 400 azamatqa qyzmet kórsetildi. Esepti kezeńde 8 932 azamattan shıpajaıda emdelýge ótinim túsip, 2 689 azamat joldama alǵan.

– «Áleýmettik qyzmetter portaly» - múgedek tulǵalarǵa tikeleı jabdyqtaýshylardan ońaltý quraldar men qyzmetterin óz erkimen satyp alýǵa múmkindik beretin avtomattandyrylǵan júıe. Portal arqyly tek medısınalyq áleýmettik saraptama bóliminiń qorytyndysymen taǵaıyndalǵan jeke ońaltý baǵdarlamasy bar tulǵalar tıisti ońaltý quraldaryna tapsyrys bere alady, – deıdi jumyspen qamtý jáne áleýmettik qorǵaý basqarmasynyń basshysy B.Narbekova.

Jyl basynan arnaıy jabdyqtalǵan 18 «Invataksı» kóligi 1 124 erekshe janǵa qyzmet kórsetken. Al, 43 «Áleýmettik taksı» 651 múmkindigi shekteýli azamatqa qyzmet kórsetken.

Shymkentte 36 942 múmkindigi shekteýli jan bar. Onyń ishinde İ-top – 3 283 azamat, İİ-top – 14 817, İİİ-top – 12 327 erekshe azamat. Al,18 jasqa deıingi múgedek bala sany - 6 515.