Keshe 27 qazanda Almatyda Túrik fılmderiniń aptalyǵy bastaldy. Soǵan oraı "Arman" kınoteatrynda Túrkıa Respýblıkasynyń Almatydaǵy Bas konsýldyǵynyń qoldaýymen uıymdastyrylǵan "VI Túrik Fılmderi Aptalyǵynyń" ashylý saltanaty ótti.

Túrik fılmderiniń aptalyǵy rejıser Mehmet Ada Oztekınniń "Jetinshi kameradaǵy keremet" fılmimen ashylyp, kórermenderdiń zor yqylasyna bólendi. Bul fılm – Túrkıada eń tanymal bolǵan fılmderdiń biri.

İs-shara barysynda túrik fılmderiniń jankúıerleri Túrkıadan kelgen "Ertýgrýl. Qaıta tirilý" serıalynyń aktóry Sezgın Erdemır men Túrik fılmderi aptalyǵynyń bas úılestirýshisi Oner Kylychpen kezdesip, shaǵyn suhbattarmen almasty. Bes kúnge sozylatyn mádenı sharada "Basketbol saqınasy", "Mahabbat ómiri", "Habarlandyrý", "Maýzer", "Rafadan Taıfa: Kindik tóbe" fılmderi "Arman" kınoteatrynda tegin kórsetiletin bolady.

Shara barysynda sóz sóılegen Túrkıadan kelgen uıymdastyrýshylar men Qazaq ulttyq ýnıversıtetiniń rektory Janseıit Túımebaev pen "Qazaqfılm" kınostýdıasynyń dırektory Aqan Sataev osyndaı sharalar Qazaqstan men Túrkıa arasyndaǵy mádenı baılanystardyń jaldan-jylǵa nyǵaıyp kele jatqanyn aıtyp, kınoındýstrıa salasyndaǵy yqpaldastyq barysyna toqtaldy.

Elenora Ámir