Shymkent qalasy ákiminiń orynbasary M.Isahov qala turǵyndaryn jeke máseleleri boıynsha onlaın jáne offlaın qabyldady. Qabyldaýǵa turǵyndar ákimdik saıtyndaǵy ótinim berý terezesi jáne áleýmettik jeli arqyly tirkelgen.

Turǵyndardyń máseleleriniń basym kópshiligi jol sapasy, qoǵamdyq kólik máselesi jáne sport alańshalary men eńbek quqyǵynyń saqtalýy, sondaı-aq ınternet pen qala orta sapasyn baqylaý basqarmasyna qatysty máseleler.

Maqsut Pernebaıuly azamattardyń aryz-shaǵymdaryn, usynystaryn jeke-jeke tyńdap, basqarma basshylaryna tez arada nazarǵa alyp, sheshýin tapsyrdy.

Qoǵamdyq qabyldaý karantındik talaptarǵa sáıkes onlaın rejımde WhatsApp jelisiniń vıdeoqońyraýy arqyly jáne Front-ofıste offlaın formatta júrgizildi.

Sondaı-aq, qala ákiminiń orynbasary turǵyndardyń shaqyrýy boıynsha «Shańyraq» eldimekeninde bolyp, aýyl bıleriniń máselelerin tyńdady. Onda qoǵamdyq kóliktiń júrý sqemasyn sozdyrtyp, aıaldamamaen qamtamasyz etý, mektep aınalasynda qaýipsizdikti nyǵaıtý sharalaryn talqylap, aqsaqaldardyń alǵysyn aldy.