Shymkent qalasynda jol qozǵalysynyń qaýipsizdigin qamtamasyz etý boıynsha 2021 jyly birqatar jumystar atqaryldy. Qalalyq jolaýshylar kóligi jáne avtomobıl joldary basqarmasynyń basshysy E. Joldasovtyń aıtýynsha, 9 aıdyń qorytyndysy boıynsha 5 orynda jańa baǵdarsham, 10 orynda belsendi jaıaý júrginshiler ótkeli ornatyldy.

Shaharda asfált joldyń jalpy uzyndyǵy – 2029,2 shaqyrym. Jyl basynan beri qalada kólikterdiń jol qozǵalysyn retteý, jol-kólik oqıǵalarynyń aldyn alý maqsatynda 215 shaqyrym jol tańbalary syzyldy. 150 shaqyrymdy termoplastıkpen, qalǵan 65 shaqyrymdy akrıldi kraskamen syzý jumystary atqaryldy.

Sonymen qatar, Abaı aýdany boıynsha 12 orynda, Ál-Farabı aýdanynda 36 oryn, Eńbekshi aýdanynda 17 jáne Qarataý aýdany aýmaǵynda 3 orynda jol tańbalaryna kedergi keltiretin aǵash oryndary aýystyryldy.