Shymkent qalasynyń mádenıet, tilderdi damytý jáne arhıvter basqarmasynyń basshysy H.Esenova qala ákimine salada 9 aıda atqarylǵan jumystardy baıandady.

Basqarmaǵa qarasty 20 mekeme bar. Qala ákiminiń tapsyrmasy negizinde mádenıet salasynyń 2021-2025 jyldarǵa arnalǵan damý tujyrymdamasy ázirlengen. Bul baǵyttar joǵary bilikti kadrlar daıarlaýǵa jáne daryndy jastardy qoldaýǵa yqpal etetini kózdelgen.

Bıyl qalada 10 kitaphanany qaıta jańǵyrtý josparlanyp, búginge deıin 6 kitaphana qaıta jasaqtaldy. Qalǵan 4 kitaphana Táýelsizdik merekesi qarsańynda paıdalanýǵa beriledi.

Shahardyń mádenı nysandaryn kóbeıtý maqsatynda qaladaǵy 4 aýdanǵa taldaý jasalyp, 25 núktege mádenı nysan qajettigi anyqtalǵan. Onyń 16-sy Community Center bolsa, 9-y mádenıet úıi. Nysandardy salý jumysy keler jylǵa josparlanǵan.

Osy jyly «Shym qala» tarıhı-mádenı kesheni» qurylǵan bolatyn. Mýzeılendirýdiń İ kezeńi aıaqtalyp, 2 mýzeı, 8 zal, 2 kórme munarasy jasaqtaldy. Qazir İİ kezeńine sáıkes, turǵyn úı men zyndanda qajetti jumystar atqarylýda.

Búginde Qyzyljar mádenıet úıi men Aqjar mádenıet úıleri kúrdeli jóndeý júrgizilýde, jyl sońyna deıin paıdalanýǵa beriledi.