«Ońtústik» ındýstrıaldy aımaǵyndaǵy «Fırma Dana» JSHS shyny óndirýshi kásiporny qarqyndy jumys isteýde. Qala ákimi M. Áıtenov 2012-2014 jyldary júzege asyrylǵan óndiris orynnyń búgingi jaǵdaıymen tanysty.

Kásiporyn jylyna 50 myń sharshy metr shyny óndirýde. Joba quny – 500 mln teńge. Búginde 55 adamdy jumys ornymen qamtamasyz etip otyr. Daıyn ónimderdi 100 % ishki naryqqa shyǵarady. Shymkent qalasyndaǵy áınek óndirisine mamandanǵan birden-bir kásiporyn.
Jańa tehnologıaǵa negizdelgen shyny qysta úıdegi jylýdy saqtasa, jazda bólmedegi temperatýrany birqalypty kúıde ustaıdy.

«Bıznestiń jol kartasy – 2020» baǵdarlamasy aıasynda nesıe qaryzyn sýbsıdıalaý, ındýstrıaldy aımaqtan jer berý syndy memlekettik qoldaý kórsetilip keledi.
Qala ákimi kásipkerlerge óndiristi keńeıtýdi, bul oraıda jergilikti mamandardy jumysqa tartýdy, ónimdilikti odan ári arttyrýdy tapsyrdy.