Shymkent qalasynyń ákimi Murat Áıtenov ındýstrıaldy aımaqtardaǵy jańa óndiris oryndarynyń jumysymen tanysty. Qala ákimi aldymen «Ońtústik» ındýstrıaldy aımaǵyndaǵy «KazAlPack» JSHS alúmını bankalaryn shyǵarýshy zaýyt qurylysynyń barysyn aralap kórdi.

«Qarapaıym zattar ekonomıkasy» baǵdarlamasymen qarjylandyrylǵan «KazAlPack» allúmınıı bankalar óndirisi jyl sońyna deıin iske qosylady. 157 jumys ornymen ashylatyn jobany iske asyrýǵa 23,4 mlrd teńge ınvestısıa tartylǵan. Jylyna 500 mln dana qalbyr bankalar shyǵarýǵa qaýqarly.

Joba aıasynda syrany, shyryndardy, gazdalǵan jáne gazdalmaǵan álsiz alkogóldi jáne alkogólsiz sýsyndardy quıýǵa arnalǵan túrli kólemdegi ońaı ashylatyn qaqpaqtary bar, alúmını bankilerin shyǵarý josparlanýda.
Qazirgi tańda óndiristik jáne qoıma úı-jaılaryn salý boıynsha qurylys-montajdaý jumystary júrgizilýde. Óndiristik jabdyqtar kezeń-kezeńimen jetkizilýde. Búginde 80 % qurylys montaj jumystary aıaqtaldy.

Ekologıalyq aspekt mańyzdy faktorlardyń biri. Alúmını banki – álemdegi ekologıalyq eń taza jáne qaıta óńdeletin qaptama. Alúmını bankalarynyń jartysynan kóbi qaıta óńdeýge jiberiledi. Ony qaıta óńdeýge jáne qaıtadan sheksiz paıdalanýǵa bolady.

Qala ákimi kásiporyn basshylaryna qurylys jumystarymen qatar, qazirden bastap mamandar daıarlaýǵa, bul salada kásiptik-tehnıkalyq kolejdermen memorandým túzýdi tapsyrdy.