Shymkent qalasynyń ákimi Murat Áıtenov «Tassaı» ındýstrıaldyq aımaǵynda ornalasqan «DentaFill Kazakhstan» JSHS dári jáne gıgıenalyq zattar óndirisiniń qurylysy barysymen tanysty. Joba quny – 2 500 mln tenge. Kásiporyn jylyna 10 mln dana dárilik preparattar shyǵarýǵa qaýqarly. Jańadan 90 jumys orny ashylady.

2020-2021 jyly iske asyrý josparlanǵan nysannyń búginde 80 % qurylys jumystary aıaqtaldy. Qarasha aıynda qurylysy aıaqtalyp, jeltoqsan aıynyń basynda qurylǵylar ornatylady.

Qala ákimi Memleket basshysynyń tapsyrmasyna sáıkes, ımportqa táýeldilikti azaıtý úshin mundaı kásiporyndardyń mańyzdylyǵyn atap ótti. Shymkent qalasy farmasevtıka óndirisiniń ortalyǵy bolýy tıis. Qazir medısınalyq maqsattaǵy ónimderge suranys artyp otyr. Jastardy óndiristik praktıkadan ótkizip, kásibı mamandar daıarlaýdy qolǵa alǵan durys. Biz óz tarapymyzdan kómek kórsetýge daıynbyz, – dedi qala ákimi.

Aıta ketsek, kásipkerlerge ındýstraldyq aımaqtan 1 ga jer berildi. «Bıznestiń jol kartasy – 2020 baǵdarlamasy aıasynda ınfraqurylym tartý jumystary atqarylýda.