Astananyń Almaty aýdandyq №2 soty aýylsharýashylyq vıse-mınıstri Músilim Ómiraevty "asa iri kólemde para alý" týraly aıyppen qamaýǵa alý týraly sanksıa shyǵardy. Bul týraly today.kz saıty habarlady. 
Qarjy polısıasy 26 jeltoqsan kúni "sot Ómiraevty qylmystyq is materıaldary negizinde qamaýǵa alý týraly sanksıa shyǵarǵanyn" habarlady.
Músilim Ómiraevty polısıa 21 jeltoqsan kúni "jeke kásipkerden tenderdi jeńip alýyna kómektesý úshin 100 myń AQSH dollary kóleminde para aldy" degen kúdikpen ustaǵan edi. Ustalǵan kúni onyń ústinen "asa iri kólemde para alý" faktisi boıynsha qylmystyq is qozǵalǵan.
Esterińizge sala keteıik, aýylsharýashylyq mınıstri Asyljan Mamytbekov Músilim Ómiraev ustalǵannan keıin "eger orynbasarynyń kináli ekeni sotta dáleldense otstavkaǵa ketetinin" málimdegen bolatyn.
Pikir qaldyrý