Shymkent qalasynda qyzmet barysynda jazataıym oqıǵalardyń aldyn alý baǵytynda tıisti jumystar atqarylýda.

Qalalyq memlekettik eńbek ınspeksıasy basqarmasynyń basshysy B.Qaljanovtyń málimdeýinshe, jumyskerler eńbeginiń qaýipsizdigin jáne qorǵalýyn baqylaýdy qamtamasyz etý boıynsha búginde qaladaǵy 17 kásiporynda «Halyqtyq baqylaý» jobasy engizildi.

«Vision Zero – Nóldik jaraqat» tujyrymdamasyn ilgeriletý boıynsha qaladaǵy 52 kásiporynmen ózara túsinistik pen yntymaqtastyq týraly memorandým jasaldy.

Shahardaǵy kásiporyndar men mekemelerde qaýipsiz eńbek jaǵdaılaryn qamtamasyz etý maqsatynda turaqty túrde monıtorıń júrgizilýde. Búginde qaladaǵy 1452 kásiporynda eńbek qaýipsizdigi boıynsha óndiristik keńester jumys júrgizýde. Jyl basynan beri zıandy jáne qaýipti 516 jumys oryndaryna eńbek qaýipsizdigi boıynsha attestasıalaý júrgizildi.

Sondaı-aq, qaladaǵy 112 kásiporynda eńbek qaýipsizdigi jáne eńbekti qorǵaý boıynsha halyqaralyq jáne ulttyq standarttar engizilgen. 3 kásiporynnyń qyzmeti deklarasıalanyp, «Senim sertıfıkaty» tapsyryldy.

Aıta ketsek, esepti kezeńde 24 jazataıym oqıǵa oryn alyp, 33 adam zardap shekti. Onyń ishinde, qaıtys bolǵandar – 5, aýyr jaraqat alǵandar – 19, jeńil jaraqat alǵandar – 9.