Shymkent qalasy boıynsha Nur Otan partıalyq saılaýaldy baǵdarlamasy negizinde jasalǵan Jol kartasynda jaqsy jáne qanaǵattanarlyq jaǵdaıdaǵy joldardyń úlesin 2025 jylǵa deıin 80 paıyzǵa jetkizý jospary qoıylǵan.

Bıyl jol-qurylys jumystarymen 311 shaqyrymnan astam jol qamtyldy. Jyl sońyna deıin atalǵan joldardyń 270.3 shaqyrymy paıdalanýǵa berilip, qanaǵattanarlyq jaǵdaıdaǵy joldar úlesi 63,6 paıyzǵa jetkiziledi.

Jalpy qalada jol jáne kólik ınfraqurylymy boıynsha jumystar qarqyndy túrde júrgizilýde. Atap aıtqanda megapolıstegi 245 kóshede ortasha jáne kúrdeli jóndeý júrgizilip jatsa, byltyrǵy jyly 4 kópir paıdalanýǵa berildi. Sonymen birge osy jyly Rysqulov-Qonaev jolaıryǵy paıdalanýǵa beriledi. Jańa 590 qoǵamdyq kólik satyp alyndy jáne elektrondyq bılet júıesi barlyq avtobýstarǵa engizildi.

Aıta keteıik, qaladaǵy kólik joldarynyń jalpy uzyndyǵy 3200 shaqyrymnan asady. Qazir jaqsy jáne qanaǵattanarlyq jaǵdaıdaǵy joldardyń úlesi 60 paıyz shamasynda. Bul kórsetkish 2018 jyly 53 paıyz bolatyn. Úsh jyl ishinde jol salasynda 532 jobanyń qurylys-jóndeý jumystary atqaryldy.