Memleket basshysy Qasym-Jomart Toqaevtyń usynysymen QR Úkimetiniń Qaýlysyna sáıkes 1 qazan Radıo qyzmetkerleri kúni bolyp bekitildi. Elimizde alǵash ret toılanyp otyrǵan jańa mereke Shymkent qalasynda atalyp ótildi. Memleket basshysy Qasym-Jomart Toqaevtyń usynysymen QR Úkimetiniń Qaýlysyna sáıkes 1 qazan Radıo qyzmetkerleri kúni bolyp bekitildi. Elimizde alǵash ret toılanyp otyrǵan jańa mereke Shymkent qalasynda atalyp ótildi. 

Merekelik jıynǵa Shymkent qalasynyń ákimi Murat Áıtenov,  «Shalqar» radıosynyń burynǵy bas-redaktory, QR Eńbek sińirgen qaıratkeri Kópen Ámirbek, «Qazaq radıosynyń» burynǵy Bas dırektory, QR Eńbek sińirgen qaıratkeri Mahat Kábiruly, «Shalqar» radıosynyń dırektory Tólepbergen Bolatbek, «Qazaqstan» ulttyq arnasynyń telejúrgizýshisi - Láılá Sultanqyzy, «Úzdik radıojýrnalıs» syılyǵynyń ıegeri, qazirgi «Qazaqstan KVN Odaǵynyń» Prezıdenti Esentúgel Eleýken, telejúrgizýshi Asqat Sadyrbaı qatysty.

Qala ákimi radıo qyzmetkerlerin merekelerimen quttyqtap,  izgi tilegin jetkizdi.- Radıo – ıdeologıanyń mańyzdy quraly. Myńdaǵan turǵyndar jolda júrip radıo jańalyqtaryn tyńdaıdy. Halyqqa durys aqparat jetkizýde, turǵyndardyń suranystaryn bildirýde jáne azamattyq qoǵammen baılanysty jańa deńgeıge kóterýde Sizderdiń eńbekterińiz zor dep bilemin. Kásibı merekelerińizben quttyqtaı otyryp, Sizderge shyǵarmashylyq tabystar tileımin! - dedi Murat Áıtenov. 

Sondaı-aq, shahar basshysy táýelsizdiktiń alǵashqy jyldary elimizde tek 407 aqparat quraly, sonyń ishinde eki radıo bolsa, qazir medıa resýrstardyń sany 4,5 myńnan asqanyn, Qazaqstan aýmaǵynda qyzmet atqaratyn radıostansıalar sany 79 birlikke ulǵaıǵanyn aıtyp ótti. Qonaqtarǵa Shymkenttiń sımvolyna aınalǵan qyzǵaltaqtyń tuqymyn syıǵa tartty. 

Búginde respýblıkanyń úshinshi megapolısinde 2 radıostansıa jumys isteıdi. Onyń ishinde 100 jyldyq tarıhy bar «Qazaq radıosynyń» fılıaly qyzmet atqarady. Respýblıkalyq radıonyń translásıasy Shymkent qalasynda 1929 jyldan bastap júrgizilse, 1932 jyly radıohabarlar júıeli túrde taratyla bastady. «Qazaq radıosynyń» 100 jyldyq mereıtoıyna oraı Shymkentte Qarataý aýdanyndaǵy ortalyq kóshege «Qazaq radıosy» ataýy berildi.