Soltústik Qazaqstan oblysy Beskól aýylynda turǵyn úıdiń sharýashylyq nysandary órtenip, órt sóndirýshiler kelgenshe eki gaz balony jaryldy, dep habarlady Petropavlovsk.news saıty.
SQO Tótenshe jaǵdaılar departamentiniń málimetinshe, órt búgin tańerteń bolǵan. Órt sóndirýshiler kelgenshe úıdiń janyndaǵy nysan, garaj ben monsha órtenip úlgergen. Ýaqytsha turǵyzylǵan nysan ishindegi eki gaz balony jarylǵan.
– Saǵat 12-den 8 mınýt ketkende 101 púltine M.Áýezov kóshesi 82 úıde órt shyqqany jóninde habar tústi. Jalyn jaıylmaýy úshin órtke ekinshi deńgeı berildi. Órt sóndirýshiler 5 mınýttyń ishinde jetti, olar kelgen kezde eki qabatty úıdiń shatyry jáne úıdiń kire berisi otqa oranyp úlgergen eken. Jalyn 96 sharshy metr aýmaqqa jaıyldy. Aldyn ala boljam boıynsha, órt peshti durys qoldanbaýdan shyqqan. Zardap shekkender joq, órt saǵat 13.22 mınýt ketkende tolyq sóndirildi, – deıdi SQO tótenshe jaǵdaılar departamenti bastyǵynyń orynbasary Oral Ábdirahmanov.
Órttiń shyǵý sebepteri anyqtalyp jatyr.
Posmotret etý pýblıkasıý v Instagram
Pikir qaldyrý