Nur Otan» partıasy Shymkent qalalyq fılıaly tóraǵasynyń birinshi orynbasary Bektaeva Janar Álibekqyzynyń jetekshiligimen fraksıa músheleri Shymkent qalasy boıynsha 2021-2025 jyldarǵa arnalǵan saılaýaldy baǵdarlamasynyń Jol kartasyndaǵy is-sharalardyń júıeli oryndalýyn baqylaý maqsatynda qalalyq aýyl sharýashylyǵy jáne veterınarıa basqarmasynyń atqarǵan jumysymen tanysty.

Aıta keteıik, atalǵan Jol kartasynda 149 is-shara bar. Onyń 70-tarmaǵynda aldaǵy bes jyl ishinde qalada aýmaǵy 136 gektar bolatyn «Agroındýstrıaldy aımaq» qurý kózdelgen. Onyń oryndalýyn qamtamasyz etý qalalyq aýyl sharýashylyǵy jáne veterınarıa basqarmasyna júktelgen.

Agroınýdstrıaldy aımaqta aýylsharýashylyq ónimderin tereń óńdeıtin 20 jobany júzege asyrý josparlanǵan. Bul úshin 40 mlrd. teńgeden astam ınvestısıa tartylyp, 1 myńnan asa turaqty jańa jumys orny ashylady dep josparlanǵan.

Bıyl jergilikti turǵyndarǵa 205 jumys ornyn qamtıtyn 4 jobany aıaqtaý mindeti tur. Aǵymdaǵy jyldyń 9 aıynyń qorytyndysy boıynsha «Mártóbe» turǵyn alabynyń mańynan 2 jylyjaı iske qosylyp, 70-ten astam adam jumyspen qamtylǵan.

«Nur Otan» – aıqyn maqsattar men naqty ister partıasy.