Búgin «Nur Otan» partıasynyń «Ózgerister joly: Ár azamatqa laıyqty ómir!» atty Shymkent qalalyq fılıalynyń 2021-2025 jyldarǵa arnalǵan saılaýaldy baǵdarlamasynyń oryndalýyn baqylaý maqsatynda fraksıa jetekshisi Bekaıdar Týlegenov «Ońtústik» AEA-da atqarylǵan jumystarmen tanysty. Oryndalǵan jumystardyń barysymen tanysýǵa qalalyq kásipkerlik jáne ındýstrıaldy-ınnovasıalyq damý basqarmasy basshysynyń orynbasary jáne qalalyq máslıhat depýtattary, fraksıa músheleri L.Sýlaımanov, B.Qydyrbaev, M.Joldyhodjaevta bardy.

Olar eń áýeli «Shymkenttik hımıa kompanıasy» JSHS-ne bet aldy. Jalpy quny 11 mlrd. teńgeni quraıtyn bul joba boıynsha 170 jumys orny qurylǵan. Jobanyń jyldyq qýattylyǵy 57 myń tonna MTBE.

Odan soń jumysshy top ózbekstandyq ınvestorlardyń qatysýymen júzege asyp jatqan «BAIKRA» JSHS-niń basshysy D. Parpıevpen kezdesti. Barlyǵy 375 mln.teńgeni quraıtyn joba jyl sońyna deıin iske qosylyp, 50 jumys orny qurylady.

Jumysshy top bet alǵan kezekti kásiporyn «Nazar Tekstıl» JSHS boldy. Jumys saparynyń sońynda partıalyqtar «Azala Cotton» JSHS-niń aralas ıirimjip shyǵarý jobasynyń qurylys barysymen tanysyp, kásiporyn basshysy Beket Tursynhanovpen tildesti. Ol jalpy quny 1,96 mlrd. teńgeni quraıtyn joba aıasynda 200 adam turaqty jumyspen qamtylatynyn aıtty.

«Ońtústik» arnaıy ekonomıkalyq aımaǵynyń ınvestısıalyq portfeli jalpy quny 125 mlrd.teńge bolatyn 51 jobadan turady. Eger jobalar tolyq iske qosylsa 6000-ǵa jýyq jumys jumys orny ashylady. Qazirgi tańda ol jerde ınvestısıalyq quny 53,9 mlrd.teńgeni quraıtyn 26 joba iske asyp, 2408 turaqty jumys orny ashylǵan.