Bıyl qazaqtyń áıgili kúıshi kompozıtory Dına Nurpeıisovanyń týǵanyna 160 jyl tolyp otyr.Osy oraıda, Shymkent qalalyq jasóspirimder kitaphanasynyń «Parasat joly» ortalyǵynda «Kúı anasy — Dına» atty ádebı-sazdy keshi ótti.

Shyǵarmashylyq keshtiń basty maqsaty — kúıshiniń týyndylaryn nasıhattaý, jastardy kúı ónerine baýlý, parasattylyq qundylyqtaryn nasıhattaý bolyp tabylady. Kesh «Dombyrashy qyz» derekti fılminen bastaldy.Arnaıy qonaq retinde ustaz dombyrashy, Qazaqstan Jýrnalıser odaǵynyń múshesi Qalmahan Omar shaqyrtyldy.

Shara barysynda B. Ótep atyndaǵy óner mektebiniń ónerli, talantty jastary «Bulbul», «Ásemqońyr» atty kúılerin shertip, Qurmanǵazynyń álemge áıgili úzdik týyndylaryn oryndady. Kitaphana oqyrmandary M.Hakimjanovanyń Dına Nurpeıisovaǵa arnaýynan «Ana syry» ádebı-kompozısıasyn usyndy.

Sonymen qatar, halqymyzdyń rýhanı ómirindegi asyl muranyń biri- dástúrli halyq ánderi oryndalap kópshilik bir serpilip, keshten rýhanı azyq alyp tarqasty.