«Eńbek» memlekettik baǵdarlamasynyń sheńberinde 9 aıdyń kórsetkishi boıynsha 19 347 adam jumyspen qamtyldy.

Naqtyraq aıtqanda:

• İ baǵyty boıynsha - 2675 adam (3 aılyq kásiptik oqytý kýrstaryna);
• İİ baǵyty boıynsha - 2 155 adam («Bastaý bıznes» jobasy aıasynda kásipkerlik kýrsyna);
• İİİ baǵyty boıynsha (halyqty jumyspen qamtýǵa járdemdesý) - 8 168 adam bos jáne jańa jumys oryndaryna, 336 adam áleýmettik jumys oryndaryna, 2531 adam jastar praktıkasyna, 2845 adam qoǵamdyq jumysqa, 115 adam «Alǵashqy jumys oryndary» jobasy boıynsha 24 aıǵa joldandy.

Al 53 adamǵa shaǵyn nesıe, 584 adamǵa memlekettik grant berildi.

Sonymen qatar, «Shapaǵat» áleýmettik qyzmetter kórsetý ortalyǵy janynan ashylǵan «Ten qogam» áleýmettik keńes berý sektory búginge deıin 4 224 múmkindigi shekteýli azamatqa túrli qyzmet kórsetken. Al Shıpajaı oryndaryna emdelý úshin 2 689 adamǵa joldama berildi.

Aıta keteıik, múgedekterge arnaıy jabdyqtalǵan 18 «Invataksı» kóligine 1 124 ótinim, al 43 «Áleýmettik taksı» avtokóligine 651 ótinish qabyldanyp, qyzmet kórsetildi.

Shymkent qalasynyń Aqparattyq-kommýnıkasıalyq ortalyǵy