Qazaqstanda sońǵy eki aptada koronavırýs juqtyrý deńgeıi 11 paıyzǵa tómendedi. Bul týraly densaýlyq saqtaý birinshi vıse-mınıstri Marat Shoranov úkimet otyrysynda málimdedi.
Sońǵy eki aıda syrqattaný 2,8 ese (aptasyna 33 346 adamnan 11 709 adamǵa deıin), al ólim-jitim 4,1 ese (aptasyna 761 naýqastan 184 naýqasqa deıin) azaıǵan.
– Qazaqstanda sońǵy eki aptada aýrý 11 paıyzǵa tómendedi. Bul jalpy epıdemıologıalyq jaǵdaıdyń turaqtalýyn kórsetedi, – dedi Shoranov.
1 tamyzdan bastap respýblıka boıynsha ınfeksıalyq tósek-oryndar 33%-ke deıin, al reanımasıalyq tósekter 27%-ke deıin bosaǵan. Rezervte 30 myńnan astam tósek-oryn bar.
Pikir qaldyrý