Qazaqstanǵa 8-i men 14 qarasha aralyǵynda Pfizer vaksınasy jetkiziledi. Bul týraly úkimet otyrysynda densaýlyq saqtaý birinshi vıse-mınıstri Marat Shoranov habarlady.
Pfizer vaksınasy 12 jastan joǵary eresekterge, jasóspirimder, júkti áıelder men bala emizetin áıelderge egiledi.
– Osy jyldyń 8-i men 14 qarashasy aralyǵynda Pfizer vaksınasy jetkiziledi dep kútilýde. Kólemi – buǵan deıin jarıalanǵan kelisimsharttaǵy mindettemelerge sáıkes keledi. Bul – 2 mıllıon adamǵa 4 mıllıon vaksına, – dedi Shoranov.
Vıse-mınıstr qazir óńirlermen tıisti jumys júrgizilip jatqanyn jáne basqa vaksınalar sıaqty Pfizer ár óńirge halyq sanyna qaraı bólinetinin aıtty.
Pikir qaldyrý