Ekologıa, geologıa jáne tabıǵı resýrstar mınıstri Serikqalı Brekeshev Qazaqstannyń lastaný deńgeıi joǵary 10 qalasyn atady. Bul týraly mınıstr úkimet otyrysynda málimdedi.

– Atmosferalyq aýa monıtorıńine sáıkes, 45 ónerkásiptik qalanyń 10-y atmosferalyq aýanyń joǵary lastaný deńgeıine jatady. Bul Nur-Sultan, Almaty, Qaraǵandy, Temirtaý, Atyraý, Aqtóbe, Balqash, Óskemen, Jezqazǵan jáne Shymkent qalalary, –  dedi mınıstr úkimet otyrysynda.

Onyń aıtýynsha, joǵary lastanýǵa jabdyqtardyń tozýy, zaýyttardaǵy shań tazartý qondyrǵylary jumysynyń tıimsizdigi, jańǵyrtý men qaıta qurý jumystarynyń júrgizilmeýi, kómir paıdalanýy sebep bolyp otyr.

– Qaldyqtarmen jumys isteý salasynda QTQ polıgondarynyń sanıtarlyq jáne ekologıalyq talaptarǵa saı bolmaýy, QTQ óńdeýdiń tómen deńgeıi jáne apatty qoqys tastaıtyn jerler ótkir problema bolyp otyr, – dep tolyqtyrdy Brekeshev.