Mańǵystaý oblysy ákimdiginiń janyndaǵy Qoǵamdyq komýnıkasıalar ortalyǵy Aqtaý qalasynyń 29 A shaǵyn aýdanynda bolǵan jarylystyń yqtımaldy sebebin jarıalady.
Ortalyq málimetinshe, qazirgi ýaqytta jarylys bolǵan jerde tótenshe jaǵdaı departamentiniń 70 qyzmetkeri men 11 tehnıkasy avarıalyq-qutqarý jumystaryn júrgizip jatyr. Sondaı-aq polısıa departamentiniń 150 adamy men 20 tehnıkasy jumyldyrylǵan
Kınologıalyq qyzmet júrgizgen barlaý jumysy boıynsha jarylys ornynda zardap shekkender joq ekeni anyqtalǵan. "Sherqala" kesheni ıesiniń aıtýynsha, barlyq jumysshylar bul ǵımarattan keshki saǵat 18:00-den 20:00-ge deıin shyǵyp ketken. Mańǵystaý oblysy Tótenshe jaǵdaılar departamenti bastyǵynyń orynbasary Bekbolat Ábdiqadyrovtyń aıtýynsha, jarylys gazdyń aýaǵa taralýynan bolýy múmkin. Oqıǵa ornynan eki gaz balony shyǵarylǵan.
– Ǵımarat ısiniń aıtýynsha, qoqys astynda árqaısysysy 50 lıtr bolatyn taǵy eki gaz balony bar. Tolyǵyraq aqparat avarıalyq-qutqarý jumystary joıylǵannan keıin júrgiziledi, – dep habarlady Mańǵystaý oblysy TJ departamenti bastyǵynyń orynbasary Bekbolat Ábdiqadyrov.
Keshe keshki ýaqytta Aqtaý qalasynyń 29 A shaǵyn aýdanynda kafede jarylys bolǵan. Oqys oqıǵadan eshkim zardap shekpedi. Mańǵystaý oblystyq aýrýhanasynyń bas dárigeri Jánibek Ajmuhanovtyń málimetinshe, jarylysqa baılanysty ázirge eshkim habarlaspaǵan.
Pikir qaldyrý