İshki ister mınıstri Erlan Turǵymbaev májilis otyrysynda aldaǵy ýaqytta polısıa qyzmetkerleriniń jalaqysy kóteriletinin aıtty.

Mınıstr búginde polıseılerdiń jalaqysy quqyq qorǵaý organdary arasynda óte tómen ekenin atap ótip, jalaqy 2019 jyldan bastap kezeń-kezeńmen ósip kele jatqanyn jetkizdi.

– 2023 jylǵa deıin biz qyzmetkerlerdiń jalaqysyn 50%-dan 90%-ǵa deıin kóteretin bolamyz. Máselen, serjanttyń jalaqysy 81 myńnan 101 myń teńgege deıin, leıtenanttyń jalaqysy 130 myńnan 174 myń teńgege deıin ósedi, – dedi Erlan Turǵymbaev májilistegi úkimet saǵaty kezinde.

Sonymen qatar mınıstr polıseılerdiń áskerıler sıaqty baspana alýǵa múmkindigi bar ekenin málimdedi. Turǵyn úı tólemderi bank arqyly qyzmetkerdiń jeke baspanasyna jumsalady.

Aıtýynsha, mundaı jeńildikpen qyzmetkerlerdiń 72%-y qamtylǵan.

Sondaı-aq qyzmettik mindetin atqarý kezinde qaza tapqan jáne jaraqat alǵan qyzmetkerlerdiń otbasysyna turǵyn úı tólemi saqtalady.