Aqtaýdyń "Sherqala" keshenindegi "Aıanat" asqanasynyń ıesi jarylys kezinde qoǵamdyq tamaqtaný ornynda eshkim bolmaǵanyn aıtty.
Ol asqananyń esigin jaýyp, saǵat 19:30-dyń shamasynda otbasymen birge ketip qalǵanyn aıtady.
– Dámhanada adam qalǵan joq. Men saǵat 19:30-dyń shamasynda bala-shaǵamdy alyp, shyǵyp ketkenmin. Ózim jaýyp, qulyptap kettim. Arǵy jaǵynda taǵy as úı bar. Olardyń jaǵdaıyn bilmeımin. Ekinshi qabatta tigin sehy bar. Olarǵa da men jaýap bere almaımyn. Kim bolǵanyn bilmeımin, – dedi "Aıanat" asqanasynyń ıesi Abaı Ámireev.
"Sherqala" kesheniniń ıesi Jánibek Ájmuhanov ta jarylys kezinde "ǵımaratta eshkim bolmady" dep málimdedi.
Osy nysanda asqanadan bólek meıramhana, tehnıkalyq qyzmet kórsetý stansıasy, qoımalar, arnaıy kıim men avtobólshekter dúkeni bolǵan.
Jarylys kezinde 11 avtokólikke zaqym kelgen. Adam shyǵyny týraly aqparat joq.
Posmotret etý pýblıkasıý v Instagram
Aqtaý ákimi Nurdáýlet Qılybaı saǵat 00:00-ge deıin eshkim medısınalyq kómekke júginbegenin aıtty.
Posmotret etý pýblıkasıý v Instagram
Tótenshe jaǵdaılar mınıstrliginiń sońǵy málimeti boıynsha, jarylys saldarynan 11 kólik zaqymdanǵan. Jol polıseıleri evakýator arqyly úsh kólikti evakýasıalaǵan. Qalǵan segiz kóliktiń ıelerin anyqtaý jumystaryn júrgizip jatyr.
Posmotret etý pýblıkasıý v Instagram
Sondaı-aq jarylys "Aıanat" kafesinde emes, jaqyn jerdegi samsa men palaý satatyn dúkende bolǵany belgili boldy.
7 qarashada kúni eki qabatty "Aıanat" dámhanasynda jarylys bolyp, saldarynan ǵımarat tolyǵymen qıraǵan.
Pikir qaldyrý