Densaýlyq saqtaý mınıstrligi 8 qarasha kúngi epıdemıologıalyq jaǵdaı týraly aqparatty jarıalady.

Mınıstrlik málimetinshe, ótken táýlikte PTR test arqyly 909 adamnan koronavırýs, 16 adamnan pnevmonıa anyqtalǵan. 32 adam koronavırýstan, 2 adam pnevmonıadan kóz kóz jumǵan.

Elde PTR test arqyly anyqtalǵan koronavırýs jaǵdaılarynyń jalpy sany 950 539-ǵa jetti. Onyń ishinde 12 291 adam indetten kóz jumǵan. 2020 jylǵy 1 tamyzdan beri júrgizilip kele jatqan pnevmonıa statısıkasyna saı, 80 372 adam pnevmonıa juqtyrǵan. 5073 adam qaıtys bolǵan.

9 qarashadaǵy málimet boıynsha, 39 705 adam koronavırýs pen pnevmonıadan emdelip jatyr. Olardyń ishinde 7 317 pasıent stasıonarda, 32 388 naýqas ambýlatorıalyq deńgeıde em qabyldaýda.

İndetke shaldyqqandardyń arasynda 520 adamnyń jaǵdaıy aýyr, 144 pasıenttiń jaǵdaıy óte aýyr, 110 naýqas ÓJJ apparatynda jatyr.

9 qarashadaǵy málimet boıynsha Qazaqstanda 8 432 406 adam koronavırýsqa qarsy vaksınanyń I komponentin, 7 702 738 adam II komponentin saldyrǵan.

Qazaqstan óńirlerindegi epıdemıologıalyq ahýaldy baǵalaý matrısasy boıynsha Qostanaı, Pavlodar, Soltústik Qazaqstan oblystary "Qyzyl" aımaqta. Nur-Sultan, Almaty qalalary, Aqmola, Qaraǵandy oblystary  "Sary" aımaqta. "Jasyl" aımaqta: Shymkent qalasy, Aqtóbe, Atyraý, Almaty, Batys Qazaqstan, Túrkistan, Jambyl, Qyzylorda, Mańǵystaý, Shyǵys Qazaqstan oblystary.