Almaty qalasy Medeý aýdany "Latifa" turǵyn úı keshenderiniń birinde 18 jastaǵy qyzdy óltirip, artynsha órtep jibergen kúdikti ustaldy. 

Jan túrshigerlik oqıǵa 8 qarasha kúni, "Latifa" turǵyn úı kesheniniń 13-qabatyndaǵy páterdiń birinde bolǵan. Turǵyndardyń sózderinshe, marqumnyń jigiti boıjetkendi óltirip, sol jerde órtep jibergen.

Jaldamaly páterge jigitimen kelgen boıjetken týǵan ápkesine keshki 7 shamasynda "qurbymnyń úıinde túneımin" dep jazyp jibergen. Sosyn birshama ýaqyttan keıin boıjetkennen  "uryp jatyr" degen habarlama kelgen.

Jaqyndary birden polısıa shaqyrtqan. Páterdiń ıesi kelip esikti ashqanda, qyz óli tabylǵan. 

Turǵyndardyń aıtýynsha, kópqabatty úıdegi 13 qabattaǵy páterler túgel derlik táýlikke jalǵa beriledi. Alaıda eshqandaı shý shyqpaıtyn. Biraq osy joly olar tún ortasynda shyńǵyrǵan daýysty estip, kúıiktiń ıisin sezgen.

– Páterdi ashqan kezde janýardy órtegende shyǵatyn jıirkenishti ıis shyqty. Sonymen qatar alkogóldiń ıisi de múńkip turdy. 12 jarymda qatty soqqydan keıin shyńǵyrǵan daýys estidim. Biraq men náreste qulap jylaǵan shyǵar dep oıladym. Óltirgen jigit túngi saǵat 1-de páterden qashyp ketken sıaqty, – dedi Ekaterına "Latifa" turǵyn úı kesheniniń turǵyny.  

Buǵan deıin áleýmettik jelide táýlikke beriletin páterlerde jeńil júristi qyzdar ordasy bar ekeni týraly aqparat taraǵan. Biraq turǵyndardyń shaǵymyna, ýchaskelik polıseıler nazar aýdarmaǵan. 

Qalalyq polısıa departamenti baspasóz qyzmetiniń habarlaýynsha, búginde kúdikti ustalyp, ýaqytsha ustaý ızolátoryna qamaldy.

– Kúdikti S. degen azamat Almaty qalasynyń mańynda ustaldy. Qylmystyq is júrgizý kodeksiniń 128-babyna (ustap alý negizderi) sáıkes ol ýaqytsha ustaý ızolátoryna qamaldy. Tergeý jalǵasyp jatyr, – dedi Medeý aýdany polısıa basqarmasynyń bastyǵy Dáýren Ótebaev.

18 jastaǵy qyzdyń ólimi týraly jazba 8 qarasha kúni áleýmettik jelide jarıalanǵan. 

"Aldymen tunshyqtyryp, keıin órtegen. Ýchaskelik polısıaǵa buǵan deıin táýlikke beriletin páterlerde prıton bar ekenin birneshe ret aıttyq. Biraq olar turǵyndardyń sózin elemedi. Qazir ýchaskelik polıseıler onyń jezókshe bolǵanyn aıtyp jatyr" delingen jelidegi jazbada.

 

 

 

Posmotret etý pýblıkasıý v Instagram

 

 

 

Pýblıkasıa ot Jaloby Almaty?? (@zhaloby.almaty)

Alaıda qalalyq polısıa departamenti, jábirlenýshiniń jeńil júristi áıel bolǵany týraly aqparat shyndyqqa janaspaıtynyn jetkizdi.