Aqparat jáne qoǵamdyq damý mınıstrligi «Rýhanı jańǵyrý» qazaqstandyq qoǵamdyq damý ınstıtýty Nur-Sultan, Almaty jáne Shymkent qalalary İshki saıasat basqarmalarynyń basshylary, óńirlik jobalyq keńse qyzmetkerlerine «Ulttyq rýhanı jańǵyrý» jobasynyń baǵyttary jáne iske asyrý tetikterin túsindirý boıynsha onlaın vebınar ótkizdi.

Jobanyń negizgi maqsaty – ulttyq mádenı biregeılikti saqtaý jáne mádenı ónimderdi yntalandyrý, olardyń sapasy men alýan túrliligin arttyrý arqyly árbir qazaqstandyqtyń kórkemdik-shyǵarmashylyq áleýetin iske asyrý, sondaı-aq jas urpaqtyń boıynda rýhanı adamgershilik qundylyqtardy qalyptastyrý.

Ulttyq jobanyń birinshi baǵyty «Rýhanı jańǵyrý» qundylyqtaryn ilgeriletý jáne memlekettik tildi damytý» baǵyty. Ekinshi «El Rýhy» baǵyty – mádenıet salasynda qoljetimdilik pen sapany arttyrý. Úshinshi. «Táýelsizdik urpaqtary» baǵyty.

«El rýhy» baǵyty boıynsha aýqymdy is-shalar kózdelgen. Qazaq anımasıasy (anımasıalyq fılmder óndirisi) jobasy aıasynda Sh.Aımanov atyndaǵy «Qazaqfılm» kınostýdıasy Ózbekstan Respýblıkasy kınematografıa agenttigimen jáne «Bazelevs» kınokompanıasymen Tashkent halyqaralyq kınofestıvalinde «Qoja Nasreddın» anımasıalyq fılmin jasaý boıynsha memorandýmǵa qol qoıdy. Bul joba ózin-ózi aqtaıtyn anımasıalyq stýdıalardyń óńirlik jelisin qurýǵa baǵyttalǵan, onyń sheńberinde Reseı (Perm stýdıasy jáne Tatarstan stýdıasy), Ózbekstan (kınematografıa agenttigi) jáne Qazaqstan (Sh.Aımanov atyndaǵy «Qazaqfılm» AQ) seriktesterimen «Animation School» oqytý ortalyǵyn ashý josparlanýda», - dedi Sh.Aımanov atyndaǵy «Qazaqfılm» AQ ókili A.Serikbaeva.

Qazaqfilm (onlaın kınoteatr qurý) jobasy aıasynda búgingi tańda Terraline kompanıasymen birlesip «100% qazaqsha» pılottyq jobasy iske qosyldy, onyń sheńberinde Sh.Aımanov atyndaǵy «Qazaqfılm» AQ shyǵarǵan 100 fılm BeeTV platformasynda ornalastyryldy. Sondaı-aq, tolyq sıpattamasy bar fılmder tizilimin daıyndaý boıynsha jumystar júrgizilýde.

Otandyq altyn muraǵat jobasy aıasynda, Otandyq Altyn mura jobasy sheńberinde «Belye stolby» Gosfılmo fondymen fılmnen 30 kınojobany sıfrlandyrý boıynsha kelissózder júrgizilýde.

«Biz aıtqan ulttyq joba – naqty mindetterden, naqty kórsetkishterden turatyn strategıalyq qujat. «Táýelsizdik urpaqtary» baǵyty boıynsha bir qatar jobalar qarastyrylǵan, 2025 jylǵa deıin jastardy turǵyn úı jınaqtaý júıesimen qamtý, turǵyn úı qurylysy baǵdarlamalaryna jas otbasylar úshin kvota engizý, jastardyń áleýmettik qyzmetterimen, jańa startap-jobalarmen qamtý máseleleri kózdelgen», - dedi Aqparat jáne qoǵamdyq damý mınıstrligi, Jastar jáne otbasy isteri komıteti tóraǵasynyń orynbasary Qaırat Baımýldınov.