Jambyldaǵy jaralys kezinde iz-túzsiz joǵalǵan serjant Baýyrjan Dáýitbaev áli tabylǵan joq. 

Áskerı bólimde qyzmet etken 34 jastaǵy serjant Baýyrjan Dáýitbaev órtti óshirýge alǵashqy attanǵandardyń biri bolǵan. Ony izdeý jumystary eki aıǵa jýyqtady. Alaıda eshqandaı nátıje joq. 

– Serjant Dáýitbaevty izdestirý toqtatylǵan joq, tıisti sharalar jalǵasyp jatyr. Oǵan qarýly kúshterdiń áskerıleri ǵana emes, ulttyq ulan sarbazdary da qatysyp jatyr, – dedi qorǵanys mınıstriniń orynbasary Rýslan Shpekbaev.   

Onyń aıtýynsha, áskerı qoımanyń aýmaǵy tolyq qaralǵan. Búginde mamandar ol jerdegi topyraqtardy elekten ótkizip jatyr. 

Eske salsaq, 26 tamyz kúni keshki ýaqytta Jambyl oblysy Baızaq aýdanynda ornalasqan áskerı bólim qoımalarynyń birinde órt shyǵyp, artynsha oq-dáriler jarylǵan.

Jarylys saldarynan 17 adam qaza taýyp, áskerı bólim mańyndaǵy Qaınar aýylyndaǵy ǵımarattar búlingen.

Habar-osharsyz ketken 34 jastaǵy serjant Baýyrjan Dáýitbaev áli tabylmady.