Táýelsizdiktiń 30 jyly ishinde bilim salasyndaǵy jańashyldyqty ıgergen bilimdi mamandar el ıgiligine eńbek etýde. Sondaı salanyń biri – İT salasy.

Shymkent qalasynda M.Ótebaev atyndaǵy joǵary jańa tehnologıalar kolejiniń oqý isteri boıynsha dırektordyń orynbasary, PhD doktorant Dılaram Baýmýratova shákirtterin keleshegi kemel salaǵa baǵyttap keledi.

Alǵashqy eńbek jolyn 2009 jyly osy kolejde arnaıy pán muǵalim retinde bastaǵan jas maman áý bastan óziniń izdenimpazdyǵy men bilimpazdyǵymen kózge tústi. Kóp ýaqyt ótpeı kafedra tizginin qolǵa alyp, İT salasyna qatysty baǵdarlama ázirleı bastady.

Ol 2016 jyldan bastap Jumyspen qamtý ortalyǵy men Kásipkerler palatasy úshin «Esepteý tehnıkasy jáne baǵdarlamalyq qamtamasyz etý» mamandyǵy men «EEM operatory» biliktiligi boıynsha kásiptik bilim berý baǵdarlamasyn daıyndaǵan.

Pedagogterdiń sıfrlyq bilimderin damytýǵa jáne qashyqtan bilim berýdi jetildirýge 7 baǵdarlamany qoldanysqa engizdi.

2020 jyldan bastap «Talap» KEAQ bastamasymen M. Ótebaev koleji bazasynda stýdentter men muǵalimderdiń kásibı jetilýine yqpal etetin «CISCO ACADEMY» qurylǵan bolatyn. Akademıaǵa osy salanynyń bilikti mamany D.Baýmýratovaǵa jetekshilik etýde.

Ustaz ózi izdenýmen shákirtterin de básekege qabiletti, sapaly maman bolyp shyǵýyna belsene atsalysyp júr. Stýdentteri «WorldSkills Kazakhstan-2019» respýblıkalyq chempıonatynda «Jelilik jáne júıelik basqarý» quzyrettiligi boıynsha İİİ dárejeli dıplommen marapattalǵan.

Tynymsyz eńbektiń arqasynda Dılaram Bekbolatqyzy QR Bilim jáne Ǵylym mınıstrliginiń «Qurmet gramotasy» marapattalsa, bıyl «Úzdik pedagog-2021» baıqaýynyń qalalyq kezeńinde jeńimpaz atandy.