Táýelsizdigimizdiń 30 jyldyǵy qarsańynda, Qazaqstan Respýblıkasynyń Sybaılas jemqorlyqqa qarsy is-qımyl Agenttiginiń Shymkent qalasy boıynsha departamenti Saz kolejimen birlese «Adal – jas urpaq» atty qalalyq patrıottyq ánder, esse, áńgime jáne mánerlep oqý baıqaýyn uıymdastyrdy.

Basty maqsat - jastar arasynda sybaılas jemqorlyqqa qarsy mádenıetti ilgeriletý, ádebıet pen shyǵarmashylyq arqyly parasattylyq ıdeologıasyn dáripteý bolyp tabylady.

Baıqaýǵa joǵary jáne orta arnaýly oqý oryndary men mektepterden 70-ke jýyq stýdentter men oqýshylar qatysty.

Qazylar alqasy retinde Departament ókilderi men mádenıet salasynyń úzdikteri, fılolog mamandar tartyldy.

Uıymdastyrýshylardyń aıtýynsha osyndaı is-sharalar jastarda sybaılas jemqorlyqqa qarsy minez-qulyq daǵdylaryn qalyptastyrady.

Shara barysynda qatysýshylar ónerin ortaǵa salyp,áserli áńgime, qara sóz oqyp, otandy súıýge, elimizdiń patrıoty bolýǵa zamandastaryn úndedi.

Oıynyń ushqyrylyǵy jáne jumysynyń mazmundylyǵymen «Sybaılas jemqorlyqqa qarsy taqyryptaǵy úzdik esse, áńgime» nomınasıasy boıynsha İİİ-oryndy M.Áýezov atyndaǵy OQÝ stýdenti A.Samıdın, İİ-oryndy ındýstrıaldy-tehnıkalyq kolejinen D.Ahatbek, İ-oryndy qalalyq «Adal urpaq» asosıasıasynan A.Jýasbek ıelendi.

«Mánerlep oqý» nomınasıasy boıynsha İİİ-oryndy Mıras ýnıversıtetiniń stýdenti R.Mamyr, İİ-oryndy ındýstrıaldy-tehnıkalyq kolejinen A.Rahmatýlla, İ-oryndy jol-kólik kolejinen S.Mahambet-Pahır jeńip aldy.

«Patrıottyq ánder» nomınasıasy boıynsha İİİ-oryndy Tamaqtandyrý ındýstrıasy jáne servıs kolejiniń stýdenti M.Keldibaı, İİ-oryndy M. Áýezov atyndaǵy OQÝ stýdenti S.Jaqyp, İ-oryndy Shymkent saz kolejiniń stýdenti P.Kım ıelendi.

«Jeńiske jetkenime óte qýanyshtymyn. Uıymdastyrýshylar men ustazdaryma, qoldap kelgen dostaryma alǵysymdy bildiremin» - deıdi Pavel Kım. Shymkent saz kolejiniń stýdenti baıqaýdyń barlyq qatysýshylary talantty, óz eliniń naǵyz patrıot jastary ekendigin jasyrmady. Sondaı-aq, ol parasyz, parasatty, sanaly qoǵamda ómir súrýdi qalaıtyndyǵyn jáne ózi de bul baǵytta belsendilik tanytatyndyǵyn jetkizdi.

Jol-kólik kolejiniń stýdenti Sáken Mahambet-Pahır atalǵan baıqaýdan úlken tájirbıe alǵandyǵyn aıtady. «Baıqaý talaptary boıynsha kóptegen aqparatpen tanystym, jalpy qoǵamdaǵy adaldyq prınsıpteri, jemqorlyqqa tózbeýshilik, adamı qasıetterdi joǵaltpaý úshin jastarǵa úlken jaýapkershiliktiń túskenin uǵyndym» - dedi ol.

Barlyq jeńimpazdar arnaıy alǵys hattarmen jáne syılyqtarmen marapattaldy.