Nur-Sultan qalasynyń bas sanıtar dárigeri Sarqat Beısenovanyń jańa qaýlysy shyqty. Oǵan saı, 15 qarashadan bastap saýda jáne oıyn-saýyq ortalyqtaryna jumys jáne demalys kúnderi tek "jasyl" statýs barlar ǵana kire alady.

"Saýda oıyn-saýyq ortalyqtary jumys jáne demalys kúnderi qyzmetkerler men kelýshilerdiń "jasyl" mártebesi bolǵan jaǵdaıda (tolyq vaksına alǵan, 7 táýlikten aspaıtyn teris nátıjesi bar PTR test, turaqty medısınalyq qarsy kórsetilimi bar adamdar, sońǵy 3 aı ishinde aýyryp jazylǵandar) shtattyq jumys kestesine saı, kúsheıtilgen sanıtarıalyq-epıdemıaǵa qarsy karantın talaptaryn saqtaı otyryp qyzmetin jalǵastyrsyn" delingen qaýlyda.

Alaıda olar shtattyq jumys kestesin belgileı otyryp, kúsheıtilgen sanıtarıalyq-epıdemıaǵa qarsy, sanıtarıalyq-profılaktıkalyq is-sharalardy saqtaýy tıis ekeni aıtylady.

Qaýly 15 qarashadan bastap kúshine enedi.