Tanymal qazaqstandyq qarjyger, metalýrg jáne saıasatker Dáýlet Sembaev qaıtys boldy.
Dáýlet Sembaev 1935 jyly 10 tamyzda Almatyda týǵan.
1958 jyly Qazaq taý-ken metalýrgıa ınstıtýtyn ınjener-metallýrg mamandyǵy boıynsha bitirgen.
Toqsanynshy jyldary Dáýlet Sembaev Ulttyq bank tóraǵasy, premer-mınıstrdiń orynbasary, senat depýtaty qyzmetterin atqarǵan. Ol Qazaqstan prezıdentiniń alǵashqy ekonomıkalyq baǵdarlamasynyń qos avtorlarynyń biri.
Dáýlet Sembaev Qazaqstandaǵy ulttyq valútany engizýge qatysqan. Eldegi qazirgi bank júıesin qalyptastyrýdyń basy-qasynda bolǵan.
2009 jyldyń jeltoqsan aıynan bastap Halyqaralyq bıznes akademıasynyń Qamqorshylyq keńesiniń múshesi boldy. Oraz Jandosov, Grıgorıı Marchenko jáne basqa da elimizdiń kórnekti qarjygerleri ózderin sol kisiniń shákirti sanaıdy.
