Atyraýda jekemenshik úıdegi gaz jarylysynan qatty kúıip qalǵan 19 jastaǵy eki jas jigit jansaqtaý bóliminde kóz jumdy. Bul týraly Moı gorod basylymy habarlady.

"Oblystyq aýrýhananyń jansaqtaý bóliminiń dárigerleri II jáne III dárejeli kúıikpen túsken 19 jastaǵy eki jigitke medısınalyq em-dom sharalaryn júrgizdi. Alaıda keshe, 14 qarashada denesiniń 85-90%-yn kúıik shalǵan 2002 jylǵy jigittiń biri qaıtys boldy. Al búgin, 15 qarashada 90-95% kúıik alǵan ekinshi naýqas – 19 jastaǵy jigit kóz jumdy" delingen oblystyq densaýlyq saqtaý basqarmasy taratqan aqparatta.

Al 22 jastaǵy kelinshek aýrýhanada qajetti em-domdy alyp jatyr. Onyń denesi 25-30 paıyzǵa kúıgen.

Eske sala keteıik, 10 qarasha kúni saǵat túngi 01:24-te Atyraý qalasynyń Balaýsa shaǵyn aýdanyndaǵy jeke úıde gaz jarylyp, sońy alapat órtke ulasqan. Tilsiz jaý 120 sharshy metrdi sharpyǵan. Oqıǵa ornynan 3 adam aýrýhanaǵa jetkizilip, ekeýi birden jansaqtaý bólimine jatqyzylǵan.