Nevrologıalyq syrqatqa shaldyqqan avtobýs kondýktory jolaýshylar ómirine qater tóndirgen. Oqıǵa Qaraǵandydan Abaı qalasyna qaraı baǵyt alǵan №146 avtobýsta bolǵan. Bul týraly ekaraganda.kz saıty jazdy.
Basylymǵa oqıǵa kýágerleriniń biri avtobýs Aqtas eldimekeni mańyna kelgende kondýktor shý shyǵara bastaǵanyn aıtqan.
"Ol ózin beldikpen qylqyndyrmaq boldy. Kondýktorda epılepsıa prıstýpy bastaldy. Ol qolyna arqan alyp, dalaǵa shyǵyp, keıin qaıtyp kelip, bardachkadan pyshaq alyp avtobýs salonynda arly-berli sermeı bastady. Ol eshkimdi jaraqattamady. Jolaýshylar basqa avtobýsqa otyrǵyzyldy" deıdi oqıǵa kýágeri.
Qaraǵandydaǵy №3 avtopark kondýktor jumystan shyǵarylatynyn málim etken. Qazirgi ýaqytta aqyl-esinde aýytqýshylyǵy bar adam qalaı mundaı jumys istep júrgeni anyqtalyp jatyr. Qaraǵandy oblysy polısıa departamenti oqıǵaǵa baılanysty eshqandaı aryz túspegenin habarlaǵan.
