Shymkentte epızotıaǵa qarsy jumystar qolǵa alynýda. Qalalyq aýylsharýashylyǵy jáne veterınarıa basqarmasynyń dereginshe, janýarlar men adamǵa ortaq asa qaýipti 29 túrli aýrýǵa qarsy dıagnostıkalyq zertteýler men 14 túrli juqpaly aýrýlarǵa qarsy profılaktıkalyq egý jumystary júrgizilýde. Bul is sharalar QR ASHM Veterınarıalyq baqylaý jáne qadaǵalaý komıtetimen bekitilgen josparǵa sáıkes atqarylýda.

Profılaktıkalyq is-sharalar boıynsha: qutyrýǵa iri qara mal – 75 bas, ıt – 3 402 bas, aýsylǵa iri qara mal – 5 930 bas, usaq mal – 6 825 bas, sibir jarasy iri qara – 3 079 bas, leptesperoz iri qara mal – 225, ehınokokoz etqorektiler – 12 700, ospa usaq mal – 7 325, brodzot usaq mal – 2 516 bas, qus tumaýy úı qustaryna – 8 674 basqa ekpe jumystary júrgizilgen.

Anyqtama qan synamasyn alý (dıagnostıkalyq) is-sharalar boıynsha: brýselez iri qara mal – 17 062 bas, usaq mal – 20 732, túıe – 19, shoshqa – 40, jylqy - 11 bastan qan synamalary alynyp óńirlik veterınarıalyq zerthanaǵa jiberildi.

Sondaı-aq, birdeılendirý jumystary boıynsha jumystar josparǵa sáıkes atqarylǵan. Jyl basynan beri 22 277 bas İQM, 36 331 bas ýaq mal, 128 bas shoshqa jáne 1 311 bas jylqylardan alynǵan tólder birdeılendirildi.

Al, qańǵybas ıt-mysyqtardy aýlap joıý boıynsha, turǵyndar tarapynan 67 ótinish túsken. Ótinishke sáıkes bekitilgen aýlaý brıgadalary 726 bas qańǵybas ıt-mysyqtardy aýlap, Eńbekshi aýdany Abdýlla-Abad turǵyn alabynda ornalasqan ýaqytsha ustaý ortalyǵyna jetkizdi.