Qala turǵyndaryna ınternet jelisin qoljetimdi etý jergilikti ákimdikterdiń basty mindetterdiń biri. Qalalyq sıfrlandyrý basqarmasynyń dereginshe, osy maqsatta 2020 jyly qaladaǵy 10 qoǵamdyq orynǵa 30 «Aqyldy kúnbaǵys» aqparattyq-tanymdyq kesheni ornatyldy.

Atap aıtqanda, Ortalyq saıabaqta – 3, Táýelsizdik saıabaǵy -6, Metalýrgter saıabaǵy – 3, Qoshqar ata – 2, Jeńis saıabaǵy – 3, Dendro saıabaǵy – 3, Abaı saıabaǵy – 6, «Eski qala» Sıtadel aýmaǵynda – 4.

Qazir 9 aıdyń esebi boıynsha, «Aqyldy kúnbaǵys» keshenin qoldanylǵan qala turǵyndarynyń sany 250 myńǵa jetti. Sonymen qatar, bul kórsetkishti joǵarylatý maqsatynda aǵymdaǵy jyly qosymsha 10 qoǵamdyq oryndarǵa 30 «Wi-fi aimaq» modemderi ornatylyp, iske qosyldy.

Olar, Báıdibek bı eskertkishiniń alańy – 2, Shymkent qalasy ákimshilik ǵımaratynyń artyndaǵy parktiń alańy – 4, Nursat aleıasy (Nazarbekova-Báıdibek bı kósheler qıylysy) – 2, Fontan «Túlpan» - 2, Arbat – 4, Nursat №130 mektep artyndaǵy aleıasy – 2, Naýryz alańy – 4, Shámshi aleıasy – 2, Dendrosaıabaq – 6, Qazyna saıabaǵy mańynda.

Qazirgi tańda, «Wi-fi aimaq» modemderin turaqty qoldanýshylar sany 9000-ǵa jýyqtady. Aldaǵy ýaqytta, qala aýmaǵyndaǵy qoǵamdyq oryndardy 100% tegin Wi-fi jelisimen qamtý maqsatynda 4 aýdan ákimdigimen taldaý jumystary júrgizilýde. 2022 jyly qala aýmaǵyndaǵy qoǵamdyq oryndardyń barlyǵyn derlik tegin WI-FI jelisimen qamtý jumystary josparlanýda. Tıisti jumystar iske asyrylsa qala aýmaǵyndaǵy qoǵamdyq oryndar joǵarǵy jyldamdyqty ınternet jelisimen qamtylatyn bolady.