Aqmola oblysy Shortandy kenti Lıneınaıa kóshesinde gaz balony jarylyp, saldarynan 3 adam qaza tapty. Bul týraly tótenshe jaǵdaılar mınıstrliginiń resmı ókili Talǵat Ýálı málimdedi. 

"16 qarasha saǵat 21:38-de Shortandy kentiniń №18 baılanys pýnktine polısıa bóliminiń kezekshisineıgaz balonnyń jarylǵany týraly habarlama kelip tústi. Oqıǵa ornyna barǵan kezde Baraq úlgisindegi páterde órt shyǵyp, shatyryn tolyq jalyn sharpyǵany anyqtaldy. Órttiń aýmaǵy shamamen 350 sharshy metrge jetken" delingen habarlamada. 

Oqıǵa saldarynan 3 adam qaza tapqan. Taǵy 10 adam túrli dene jaraqatymen aýdandyq ortalyq aýrýhanaǵa jetkizilgen. 

Órt saǵat 22-35-te aýyzdyqtalyp, saǵat 23:55-te tolyq sóndirilgen. 

Oqıǵanyń mán-jaıy anyqtalyp jatyr.