Bıyl Shymkentte eldi mekenderdi ınfraqurylymmen qamtý jumystary qarqyndy iske asyryla bastady. Máselen, qaladaǵy 81 eldi mekenniń 65-i sapaly elektrmen qamtylsa,16-sy jaryqty jekemenshik júıe arqyly paıdalanady. Energetıka jáne komýnaldyq sharýashylyq basqarmasynyń dereginshe, bıyl elektrmen qamtý úshin 11,4 mlrd. teńgege 4 qosalqy stansıa men 16 eldi mekende ishki júıeleriniń qurylysy júrýde.

Jyl sońyna deıin Aqjar, Jalyn, Dostyq, Yntymaq-2, Aıkól, Igilik jáne Táýelsizdikke 20 jyl turǵyn alabynda qurylys jumystary aıaqtalyp, 21 myńnan astam turǵyn sapaly elektrmen qamtylady. Nátıjesinde qamtý kórsetkishi 95%-dan 97%-ǵa jetedi.

Al, Jańatalap, Qaınar bulaq , Soltústik saıajaı, Dostyq, Bozaryq-2, Batys, Turan, Nurtas jáne Sáýle shaǵynaýdandary 2022 jylǵa ótpeli. Iaǵnı jumystar kelesi jyly aıaqtalady.

Aıta keteıik, qalanyń damý josparyna sáıkes 2021-2025 jyldar aralyǵynda 6 qosalqy stansıany paıdalanýǵa berý josparlanǵan. Shaharda 2023 jyly Qyzylsý 220kV jáne VL 220 kV qosalqy stansıasynyń qurylysy bastalsa, 2024 jyly Ońtústik 220kV, Turan 110kV, Ipodrom 110kV, Shymsıtı 110k stansıalyranyń qurylysy júrgiziledi. Atalǵan jumystar júzege asyrylǵanda 2025 jyly qalada sapaly elektrmen qamtý kórsetkishi 100 paıyzǵa jetedi dep kútilýde.