Bilim jáne ǵylym mınıstri Asqat Aımaǵambetov pedagogterdi artyq eseptilikten bosatýdy tapsyrdy.

Vedomstvo basshysynyń sózinshe, bir mektepte synyp jetekshilerden 19 tarmaq boıynsha aqparat talap etilgen. Mınıstr bilim basqarmalaryna bul máseleni erekshe baqylaýǵa alýdy tapsyrdy.

Aımaǵambetov tapsyrma oryndalmasa, mektep dırektorlary ǵana emes bilim bólimderi, basqarma basshylary da jaýapkershilikke tartylatynyn aıtty.    

– Ásirese synyp jetekshilerge oıǵa qonymsyz qujattardy engizip qoıǵan. Bir mektepte tek qana synyp jetekshilerden 19 qujatty talap etken. Osy máselemen aınalysyńyzdar. Tıisti jaýapkershilikke tartýdy tapsyramyn. Kerek emes. Buny kim oqıdy. Kóp máseleler elektrondy formatta bar. Onyń bárin basyp jınap qoıǵannan ne paıda? Qajet emes, tipti túsiniksiz aqparat suraısyzdar, –  dedi mınıstr.