Densaýlyq saqtaý mınıstrligi eldegi epıdemıologıalyq jaǵdaıǵa baılanysty sońǵy málimetterdi jarıalady.

Mınıstrlik málimetinshe, ótken táýlikte PTR test arqyly 1083 adamnan koronavırýs, 177 adamnan pnevmonıa anyqtalǵan. 16 qarashada 23 adam koronavırýstan, 3 adam pnevmonıadan kóz jumǵan.

18 qarashadaǵy málimet boıynsha, 31 475 adam koronavırýs pen pnevmonıadan emdelip jatyr. Olardyń ishinde 6 454 pasıent stasıonarda, 25 021 naýqas ambýlatorıalyq deńgeıde em qabyldaýda.

İndetke shaldyqqandar arasynda 506 adamnyń jaǵdaıy aýyr, 125 pasıenttiń jaǵdaıy óte aýyr, 91 naýqas ÓJJ apparatynda jatyr.

Qazaqstan óńirlerindegi epıdemıologıalyq ahýaldy baǵalaý matrısasyna sáıkes, Pavlodar, Soltústik Qazaqstan oblystary "Qyzyl" aımaqta. Nur-Sultan qalasy, Atyraý, Aqmola, Qaraǵandy, Qostanaı oblystary "Sary" aımaqta. «Jasyl» aımaqta: Almaty, Shymkent qalalary, Aqtóbe, Almaty, Batys Qazaqstan, Túrkistan, Jambyl, Qyzylorda, Mańǵystaý, Shyǵys Qazaqstan oblystary.

18 qarashadaǵy málimet boıynsha 8 588 742 adam vaksınanyń I komponentin, 7 884 832 adam II komponentin saldyrǵan.