Shymkenttegi jastar resýrstyq ortalyǵynda «Volonter» tolyqmetrajdy kınofılminiń tusaýkeser kórsetilimi ótti. El Táýelsizdiginiń 30 jyldyǵyna oraı rejıser Serik Talasovtyń jańa týyndysy kórermenge usynyldy.

Saltanatty jıynǵa Shymkent qalasy ákiminiń birinshi orynbasary Shyńǵys Muqan men qalalyq máslıhattyń hatshysy Bahadyr Narymbetov, zıaly qaýym ókilderi, fılmniń rejıseri Serik Talasov jáne akterlik quram, volonterlik uıymdardyń ókilderi, joǵary jáne orta arnaýly oqý oryndarynyń volonterlik toptarynyń belsendi jastary qatysty.

Fılmde eki dostyń oqıǵasy arqyly eriktilerdiń jumysy sýretteledi. Jastardyń patrıottyq sanasyn qalyptastyrý jáne óz eline degen súıispenshiligin arttyrý maqsatynda túsirilgen fılm rejıserdiń 50 týyndysy.

Kıno kórsetilim sońynda Shyńǵys Jumabekuly men Bahadyr Narymbetov sóz alyp, rejıserdiń týyndysyna baǵasyn berdi.

– Bul men kórgen sátti shyqqan fılmderdiń biri der edim. Kınomatografıasyna toqtalsaq, barlyq janr qamtylǵan. Seriktiń talantty kınoger ekenin halyq jaqsy biledi. Jańa týyndysy qoǵamdaǵy kóptegen ózekti máselelerdi qozǵaıdy. Akterler de ózderine qoıylǵan mısıasyn jaqsy alyp shyqqan. Árqaısysynyń kásibı maman ekenin somdaǵan rólderinen kórýge bolady. Mundaı fılmderdi úlken ekrandarǵa shyǵarýǵa ózim de atsalysamyn. Aldaǵy ýaqytta kınoteatrlarda fılmdi kópshilikke tamashalaýǵa múmkindik jasaımyz, – dedi Shyńǵys Muqan.

Azamat JAPPAR