Qala aýmaǵyndaǵy ónerkásiptik qaýipsizdikti qamtamasyz etý maqsatynda QR Investısıalar jáne damý mınıstriniń 2014 jylǵy 30 jeltoqsandaǵy №359 buıryǵynyń talaptaryna sáıkes Turǵyn úı komýnaldyq sharýashylyq obektileriniń qaýipti tehnıkalyq qurylǵylaryn esepke qoıý boıynsha kópqabatty turǵyn úılerde ornatylǵan lıftterge synaq jumystary júrgizildi.
Búginde Shymkent qalasy boıynsha jalpy 513 lıft paıdalanylýda. Onyń ishinde, 401 lıft kópqabatty turǵyn úılerde ornalassa, qalǵandary densaýlyq saqtaý mekemeleri, bilim berý basqarmasyna qarasty mektepter, saýda oryndaryndy men qonaq úılerde ornalasqan.
Qalalyq orta sapasy jáne baqylaý basqarmasy tarapynan búginde 112 lıftke synaq jumystary júrgizilip, lıfttiń tólqujattary túgendelip tirkeldi. Atalǵan qyzmet elektrondyq túrde júrgizilip, 27 lıft qondyrǵylary tirkeýge alynǵan.
Shymkent qalasynyń Aqparattyq-kommýnıkasıalyq ortalyǵy
