Shymkentte zańsyz saýda qatarlaryn rettestirý jumystary qolǵa alynýda. Ál-Farabı aýdany ákimdigi aýmaǵyndaǵy retsiz saýda oryndaryna reıd júrgizilip, oǵan ákimdik qyzmetkerleri men tártip saqshylary qatysty.
Birlese júrgizilgen reıd barysynda Rashıdov kóshesiniń boıynda retsiz saýda qatarlary anyqtaldy. Ondaǵy kásipkerlerdiń memleket menshigindegi jerlerdi óz paıdasyna paıdalanǵany belgili boldy.
QR Ákimshilik kodeksiniń 204 babyna sáıkes belgilenbegen orynda saýda jasaý jáne qalanyń abattandyrý qaǵıdasyn (505 bap) buzǵany úshin túsindirý jumystary júrgizildi.
Aýdan ákimdigi tártipti óreskel buzǵan kásipkerlik nysandarynyń ıelerine quzyrly mekeme tarapynan shara kóriletinin eskertedi.
Pikir qaldyrý